Hvar eru lífeyrissjóðirnir nú? vantar ekki fjárfestingakosti?

 

Er ekki rétt hjá sjóðunum að kaupa helmings eign í HS Orku sem er til sölu svona til að tryggja að auðlindir okkar og arður af þeim fari ekki allur úr landi. það getur ekki fengist betri ávöxtun til lengri tíma litið en að eiga auðlind sem gefur arð svo lengi sem land byggist hér.

Við eigum öll að sameinast um að halda auðlindum okkar í landinu og þar með þeim arði sem þær gefa. 

Ég vona að þeir sjái að sér strax og stoppi þennan feril annað er brjálæði. 

 

Athugasemdir

[Óskar Helgi Helgason (IP-tala skráð) 15.5.2010 kl. 21:30]

Heill og sæll; Jón Borgfirðingur, æfinlega !

Ekki tjóar; að brydda upp á ''Framsóknar'' lausnum alla vega, ágæti drengur.

Hygg þig; vera að losna úr viðjum þess glæpa flokks, sem allra fyrst.

Takist okkur byltingarsinnum; að steypa eyðingar öflum B - D - S og V lista, Jón minn, hljótum við að sjá þýðingu þess, að HS verði færð sínum réttu eigendum að nýju, suður með sjó.

Hvað; Lífeyrissjóða farganið snertir, eigum við iðgjaldendur, að fá hverja EINUSTU krónu endurgreidda, úr þessum andskotans sukk fyrir tækjum - og stjórnendurnir verði reknir, með háðung einni.

Ætli okkur; ætti ekki að vera treystandi til, að ráðstafa þessum krónum okkar, sem enn kunna að liggja inni í þessum sjóða fjöndum, Jón minn ?

Hví; eru Íslendingar, svo ginnkeyptir fyrir, allamargir enn, alla vega, að halda uppi þessum smákónga flottræflum, sem lifa við meiri vellystingar, en nokkurn tíma Maharajarnir; austur á Indlandi, á sinni tíð, Borgfirðingur sæll ?

Með beztu kveðjum; sem jafnan, austur yfir fljót /

Óskar Helgi Helgason 

[Jón Ólafur Vilhjálmsson, 15.5.2010 kl. 21:47]

Óskar ekki fór nú vel búsáhaldabyltingin fengu 4 á þing og sprungu svo í loft upp við Framsóknar menn skiptum um fólk einir flokka og erum að reyna að koma vitinu fyrir fólkið en það virðist ekki hlusta eða heyra.

Björn á Löngumýri sagði eins og þú þessir lífeyrissjóðir myndu verða skrímsli sem ekki réðu við neitt, en þessi lög eru þannig að á meðan þau gilda verða sjóðirnir að ávaxta pundið skinsamlega og ég tel að það sé best í auðlindum þjóðarinnar svo sem H.S Orku og Landsvirkjun við eigum ekki að taka erlend lán frekar en heimilin ef til er peningur í landinu þannig verða vextirnir eftir innanlands en renna ekki til erlendra banka. Svipað og þú fengir lán hjá börnunum til að byggja fjós sem stendur í mörg ár og allir á heimilinu njóta góðs af. Við verðum að hugsa eins og fjölskylda þegar við rekum þjóðarbúið.

[Óskar Helgi Helgason (IP-tala skráð) 15.5.2010 kl. 21:58]

Heill; á ný, Jón minn !

Ekki; hefir nú flokks ræksni það, sem þú kennir þig við, haft rænu til, að reka OPINBERLEGA:; þau Halldór Ásgrímsson - Lómatjarnarkerlinguna Valgerði, hvða þá; leiguþý þeirra (ennþá; innan þings), þau Birki J. Jónsson og Siv Friðleifsdóttur, úr flokknum, svo fáein séu nefnd,  ágæti drengur.

Þar með; skal stimpill glæpamennsku og ódáða, enn yfir honum voma.

Jú; Björn heitinn, á Löngumýri, var framsýnn vel, á sinni tíð, og meira í tengslum við raunveruleika hversdagslífsins, fremur en ilmvatna lykt andi skoffínin, í okkar samtíma, Jón minn.

Ítreka enn það; sem ég sagði, um Lífeyrissjóða farganið, að sjálfsögðu.

Með; hinum beztu kveðjum, sem áður og fyrri /

Óskar Helgi Helgason 

[Júlíus Björnsson, 16.5.2010 kl. 03:16]

Hver væri kaupmáttur almennra neytenda og sparnaður og arður framleiðslu fyrir tækja ef lífeyriskerfið sogaði ekki svona miklu til sín í áhættu fjárfestingar á hverju ári?

Færeyingar erum 48.000 dollar á haus. Íslendingar um 32.000 dollar eftir nokkra mánuði á haus. Norðmenn 58.000 dollara á haus.

Út á hvaða ganga samskipti við útlendinga? Lífið endar eftir 65 ára. !!!

[Jón Pétur Líndal, 18.5.2010 kl. 21:56]

Lífeyrissjóðirnir eru bara aukaskattur sem við borgum. Og það er með þá eins og aðra skattpeninga, við ráðum litlu um hvað við þetta er gert og fáum lítið til baka. Nú eru engir peningar lausir í lífeyrissjóðum. Það hefur mikið tapast og menn þora ekki að losa sig út úr ýmsum fjárfestingum af ótta við meira tap. Þess vegna er verið að skerða útgreiðslur úr mörgum sjóðum núna. Þetta er alveg jafn gjörspillt kerfi og útrásin og fjórflokkurinn, enda allt nátengt og sekkur allt saman í einu. Þetta er eins og skipalest sem steytir öll á sama skerinu. Það hefur enginn rænu á að beygja framhjá þó þeir sem fyrstir fara sökkvi fyrir fram hina sem á eftir koma.

[Júlíus Björnsson, 19.5.2010 kl. 02:08]

http://juliusbearsson.blog.is/blog/juliusbearsson/entry/1051303/

Hér má finna skýringuna hversvegna Svíþjóð er Þroskuð en Íslandi [H.Í] er ennþá á þroskastigi.