Hvers vegna virðast kjósendur ekki ætla að kjósa flokkana í Reykjavík og annarstaðar sem óháð framboð eru

Það er svo lítið skrítið að þeir sem ætla að kjósa Bestaflokkinn vilja ekki kjósa framboð sem borin eru fram af stjórnmálaflokkunum vegna þess að flokkarnir hafi staðið sig svo illa.

Það getur vel verið að einstaklingar sem starfað hafa í nafni flokkana hafi ekki staðið sig, en í mörgum framboðum er allt fólkið nýtt en það býður sig fram undir bókstaf flokks og það virðis eitt duga til að ekki sé hægt að styðja einstaklinginn til starfa.

Ef frambjóðendur sem eru í framboði fyrir t.d Bestaflokkinn væru með bókstafinn XD þá væri ekki hægt að kjósa þá en af því að þeir eru (óháðir) þó forystumaðurinn hafi stutt XD  þá eru þeir góðir eða hvað.

Ef þetta er almennt viðhorf kjósenda þá er illa komið fyrir lýðræðinu og hér gæti skapast hentistefnu pólitík því allt er pólitík líka að vera svo kallaður óháður.

Hvers vegna seigi ég þetta? vegna þess að þeir sem henda út fólki af listunum ,sem ekki hefur staðið sig  þeim er einnig refsað þannig að það skiptir þá ekki máli hvernig hver og einn stendur sig heldur verður með þessu að skipta um bókstaf á fjögra ára fresti því kjósendur setja saman sem merki á milli bókstafa og frammistöðu listans.

Við sjáum Hreyfinguna hún er þannig að þingmennirnir standa einir og það ekki einu sinni saman.

Þannig mun fara ef við förum þessa braut í lýðræðinu.

 

Við skulum meta þá flokka sem hafa tekið til hjá sér og bjóða nýtt fólk gefum því fólki tækifæri til að sanna sig.

Við höfum ekkert við meiri glundroða að gera við höfum fengið nóg af honum við þurfum framtíðarsýn .

Til þess þurfum við bakland sem styður við það fólk sem kosið er í sveitastjórnir það þarf að geta fengið álit á þeim málum sem það þarf að takast á við þannig getur það frekar tekið réttar ákvarðanir.

Athugasemdir

[Jón Pétur Líndal, 28.5.2010 kl. 23:38]

Sæll vertu. Þeir sem vilja breytingar eða vilja mótmæla starfsháttum flokkanna hafa ekki margar leiðir til þess. Ef strikað er út af lista frekar en að kjósa eitthvað annað þá skiptir það venjulega engu máli, eða hvað eru mörg dæmi þess að menn hafi fallið út af listum vegna útstrikana? Þau eru ekki mörg, og ef svo fer þá er bara nýjum flokksgæðingi skipt inná í stað þess sem er strikaður út. Þetta flokkskerfi gerir það bara nauðsynlegt að refsa öllum flokknum ef refsa þarf á annað borð. Og þetta kerfi er val flokkanna. Þeir standa vörð um það, m.a. með því að banna einstaklingum að bjóða sig fram nema þeir séu með heilan flokk í boði, og með því að hafa þannig hannað kerfi um fjáröflun flokkanna að nánast ómögulegt er að keppa við fjórflokkinn á því sviði.

Það er mikil þörf fyrir lýðræðisumbætur á Íslandi. En þangað til að þeim kemur verður bara hart að mæta hörðu á milli fjórflokksins og kjósenda sem vilja breyta einhverju öðru en að sjá bara ný andlit spillingarinnar hjá sömu flokkum og alltaf áður.

Það er því ekkert vit í öðru fyrir kjósendur en að grípa þau fáu tækifæri sem gefast til breytinga í þessu verndaða umhverfi fjórflokksins. M.a. út af þessu er eina vitið núna fyrir kjósendur í Reykjavík að kjósa Besta flokkinn, X-Æ