Er ekki komin tími á að stjórna sveitarfélögum án sérstaks meirihluta?

Láta hvert mál um það hverjir eru fylgjanda og hverjir andvígur hafa bar sterkan fjármálastjóra sem leggur upp kostnaðardæmið og síðan er það pólitík hvort skattar eru hækkaðir eða þá hvernig það er pólitík en að stjórna daglegum rekstri það er ekki pólitík.

Ég sé fyrir mér í nýju Íslandi verði allir við stjórnvölin og ræði sig í gegnum pólitísk mál hafi góða fjármálastjóra og forseti bæjarstjórnar sé svo kallaður bæjastjóri og hvaða flokkur fer með það embætti verði skipt eftir hlutfalli atkvæða í  herjum sveitarstjórnarkosningum. Þar með væru sveitarfélögin laus við þessi biðlaun í hvert sinn ef bæjastjóri hættir enda yrðu laun bæjarstjóra þá einhver 100.000 kr ofan á þær greiðslur er hann hefði fyrir setu í sveitarstjórn enda um auka starf að ræða og eingöngu til að koma fram fyrir hönd bæjarins við ákveðin tækifæri og síðan stjórnun á störfum sveitarstjórnar. 

Nýja Ísland á að byggja á meira jafnræði ekki ofbeldi einhvers meirihluta sem er sammála minnihlutanum en af því að hann kom með hugmyndina þá er hún ó nothæf og það er flutt tilaga sem er áþekk þeirri sem minnihluti var með en það var bara ekki réttur aðili sem bar hana fram.

Grindavík ætti að prufukeyra svona stjórnun fram á vor og hætta við sérstakan meirihluta myndun nú það er gamla Ísland.

Nýr meirihluti líklega í kvöld

Athugasemdir

[Kolbrún Stefánsdóttir, 6.12.2009 kl. 12:07]

Skemmtilegt að lesa þetta. Þegar ég gaf kost á mér í sveitarstjórn í mínu heimaplássi 1982 þá var þetta aðal mottóið. Við vorum með óháðan lista með ungu fólki úr öllum stjórnmálaflokkum og vildum auka upplýsingaflæði, en þá var það ekki neitt svipað og í dag, og svo vildum við að allir fulltrúar væru í að vinna í þágu sveitarfélagsins en ekki bara þriggja manna meirihluti. Þetta þótti óhemju barnalegt. Ég sat því í minnihluta í sjö ár. Ég er enn á þessari skoðun og tel að þarna sértu á rétti leið í þínum hugleiðingum. Það þarf smá kjark til að ýta þessu úr vör en það má þá alltaf bakka í gamla fúla farið. kveðja Kolla. 

[Jón Ólafur Vilhjálmsson, 6.12.2009 kl. 21:22]

Það er einhvern veiginn þannig að fólk sem aðhyllist miðju pólitík það er helst tilbúið að vinna að sameiginlegum lausnum en ég held að það sé vegna þess að það pælir ekki í kennisetningum til hægri eða vinstri heldur að vinna að lausnum á sem hagkvæmastan hátt fyrir samfélagið það þarf ekki endilega að að kosta færstu krónurnar heldur hagkvæmast fyrir heildina.

[Kolbrún Stefánsdóttir, 6.12.2009 kl. 22:00]

Já og nei Jón. Ég er ekki miðjumanneskja en er mjög verkefna- og árangursmiðuð þó ekki sé fínt að segja það í dag. Á vettvangi sveitarstjórnarmála er auðvitað hagur heildarinnar það eina sem skiptir máli. Kveðja Kolla.